டிம் குக்கின் விடைபெறல்: ஆப்பிளின் வரலாற்றுத் திருப்பம்!

டிம் குக்கின் கடிதம்: “என் வாழ்வின் மிகச்சிறந்த பாக்கியம்!”

ஆப்பிள் குடும்பத்திற்கு…

கடந்த 15 ஆண்டுகளாக என் ஒவ்வொரு நாளும் ஒரே மாதிரியாகத்தான் தொடங்குகிறது. காலையில் எழுந்ததும் எனது மின்னஞ்சலைத் திறந்து, உலகின் பல்வேறு மூலைகளிலிருந்தும் ஆப்பிள் பயனர்கள் எனக்கு அனுப்பிய செய்திகளைப் படிப்பேன்.

உங்கள் வாழ்க்கையின் சிறிய சிறிய தருணங்களை என்னோடு பகிர்ந்துகொள்வீர்கள். ஆப்பிள் உங்கள் வாழ்க்கையை எப்படி தொட்டிருக்கிறது என்பதைப் பற்றி எழுதுவீர்கள். உங்கள் அம்மாவின் உயிரை ஆப்பிள் வாட்ச் (Apple Watch) காப்பாற்றிய அந்தத் தருணம்; ஏறவே முடியாது என்று நினைத்த ஒரு மலையின் உச்சியில் நின்று நீங்கள் எடுத்த அந்த அழகிய புகைப்படத் தருணம்… இவை அனைத்தையும் பகிர்வீர்கள்.

மேக் (Mac) சாதனம் உங்கள் பணிச்சூழலை எப்படி மாற்றியமைத்தது என்று நன்றி சொல்வீர்கள். சில நேரங்களில் நீங்கள் எதிர்பார்க்கும் ஒரு அம்சம் சரியாக வேலை செய்யாதபோது உரிமையோடு என்னைச் சாடவும் செய்வீர்கள்.

அந்த ஒவ்வொரு மின்னஞ்சலிலும் மனித நேயத்தின் துடிப்பை நான் உணர்ந்திருக்கிறேன். இன்னும் கடினமாக உழைக்க வேண்டும், புதிய எல்லைகளைத் தொட வேண்டும் என்ற பொறுப்புணர்வை அது எனக்குள் ஆழமாக விதைத்தது. ஆனால் அனைத்தையும் விட, அந்த மின்னஞ்சல்களுக்குப் பதில் அளிக்கும் நநபராக நான் இருந்தது எனக்குக் கிடைத்த மிகப்பெரிய பாக்கியம். மனித கற்பனைகளைத் தூண்டி, வாழ்க்கையை வளப்படுத்தும் இத்தகைய ஒரு மாபெரும் நிறுவனத்தின் தலைவராக இருந்ததற்கு நான் சொல்ல வார்த்தைகளே இல்லை.

இன்று, ஆப்பிளில் என் பயணத்தின் அடுத்த கட்டத்தை நோக்கிய அறிவிப்பை வெளியிடுகிறோம். வரவிருக்கும் மாதங்களில் நான் புதிய பொறுப்பிற்கு மாறுகிறேன். வரும் செப்டம்பர் மாதத்துடன் சிஇஓ பதவியிலிருந்து விலகி, ஆப்பிளின் நிர்வாகத் தலைவராகப் பொறுப்பேற்கிறேன்.

உலகின் மிகச்சிறந்த இந்தப் பொறுப்பில் அடுத்து அமரப்போகும் நபர் ஜான் டெர்னஸ் (John Ternus). அவர் ஒரு சிறந்த பொறியாளர் மற்றும் தொலைநோக்குச் சிந்தனையாளர். கடந்த 25 ஆண்டுகளாக நாம் அனைவரும் நேசிக்கும் ஆப்பிள் தயாரிப்புகளை உருவாக்குவதில் தன் வாழ்நாளை அர்ப்பணித்தவர். ஒவ்வொரு சிறிய விஷயத்திலும் கவனம் செலுத்தி, அதை எப்படி இன்னும் சிறப்பாக, அழகாக, பயனுள்ளதாக மாற்றலாம் என்று சிந்திப்பவர். இந்தப் பொறுப்பிற்கு அவரே மிகவும் சரியானவர்.

ஆப்பிளின் கொள்கைகள், அதன் தயாரிப்புகள், மக்களைச் சென்றடையும் விதம் ஆகிய அனைத்தின் மீதும் ஜான் மிகுந்த அக்கறை கொண்டவர். நேர்மையுடன் வழிநடத்தும் பண்பு அவருக்கு உண்டு. ஆப்பிளின் அடுத்த சிஇஓ-வாக அவரை அறிவிப்பதில் நான் பெருமைப்படுகிறேன். அவரது தலைமையின் கீழ் இந்த நிறுவனம் புதிய உச்சங்களைத் தொடும். இனி வரவிருக்கும் புதிய சாதனங்கள் மற்றும் சேவைகளின் மூலம் அவரது ஆளுமையை நீங்கள் உணர்வீர்கள்.

இது விடைபெறல் அல்ல. ஆனால் இந்த வரலாற்றுத் தருணத்தில் உங்கட்கு நன்றி சொல்ல விரும்புகிறேன். நிறுவனத்தின் சார்பாக அல்ல, ‘டிம்’ என்ற தனிநபராகச் சொல்கிறேன். ஒரு கிராமப்புறச் சூழலில் வளர்ந்து, உலகின் மிகச்சிறந்த நிறுவனத்தின் சிஇஓ-வாக இருக்கும் வாய்ப்பைப் பெற்ற ஒரு மனிதனாக நன்றி கூறுகிறேன்.

என் மீது நீங்கள் வைத்த நம்பிக்கைக்கும் அன்புக்கும் நன்றி. தெருக்களிலும், ஆப்பிள் கடைகளிலும் என்னைச் சந்திக்கும் போது “ஹாய்” சொன்னதற்கு நன்றி. புதிய தயாரிப்புகளை அறிமுகம் செய்யும்போது என்னோடு சேர்ந்து உற்சாகக் குரல் எழுப்பியதற்கு நன்றி.

அனைத்திற்கும் மேலாக, பயனர்களாகிய உங்களை மையமாக வைத்து இயங்கும் இந்த நிறுவனத்தை வழிநடத்த என்னை நம்பியதற்கு நெஞ்சார்ந்த நன்றிகள். உங்கள் வாழ்க்கையைச் சிறிதேனும் சிறப்பானதாக மாற்ற என்ன செய்ய வேண்டும் என்று சிந்தித்துத்தான் ஒவ்வொரு நாளும் நாங்கள் எழுகிறோம். நீங்கள் என் வாழ்க்கையை நான் கற்பனை செய்து பார்த்ததை விட மிகவும் சிறந்ததாக மாற்றிவிட்டீர்கள்.

நன்றி!

டிம் குக்

டிம் குக் காலத்தின் சாதனைகள்: எண்களும் மைல்கற்களும்

அடுத்த CEO யார்? புதிய தலைமைத் தலைவர் ஜான் டெர்னஸ்!

• ஜான் டெர்னஸ் யார்? iPad, AirPods மற்றும் ஆப்பிள் நிறுவனத்தின் சொந்த M-சீரிஸ் சிப்புகளின் வடிவமைப்பு மற்றும் உருவாக்கத்தில் மிக முக்கியப் பங்காற்றியவர்.
• டிம் குக்கின் நம்பிக்கை: “ஜான் டெர்னஸ் ஆப்பிள் நிறுவனத்தின் ஆன்மாவை நன்கு அறிந்தவர். ஆப்பிளின் எதிர்காலத்தை அடுத்தகட்டத்திற்கு எடுத்துச் செல்ல அவரே சரியான தலைவர்” என டிம் குக் வாழ்த்தியுள்ளார். 

அறியப்படாத சுவாரஸ்யத் தகவல்கள்

• காலை 3:45 மணிப் பழக்கம்: டிம் குக் தினமும் அதிகாலை 3:45 மணிக்கே எழுந்து, உலகெங்கிலுமிருந்து வரும் ஆயிரக்கணக்கான பயனர் மின்னஞ்சல்களைத் தனிப்பட்ட முறையில் வாசிப்பதை வழக்கமாகக் கொண்டிருந்தார்.  

• சமூகப் புரட்சி: 2014-இல் Fortune 500 நிறுவனங்களின் தலைமை அதிகாரிகளில், தான் ஒரு தன்பாலீர்ப்பாளர் (Gay) என்பதை வெளிப்படையாக அறிவித்த முதல் CEO டிம் குக் மட்டுமே.
• அமைதியான விடைபெறல் நிகழ்ச்சி: ஆப்பிள் கேம்பஸில் நடைபெற்ற உணர்வுப்பூர்வமான விடைபெறல் நிகழ்வில், டிம் குக் தனது தனிப்பட்ட வாழ்க்கைத் துணையான மைக் (Mike) என்பவரைப் பற்றி முதன்முறையாக மேடையில் நெகிழ்ச்சியுடன் குறிப்பிட்டார்.
• அரசதந்திரப் பொறுப்பு: CEO பதவியிலிருந்து விலகினாலும், உலக நாடுகளின் அரசுகளுடனும் கொள்கை வகுப்பாளர்களுடனும் ஆப்பிள் சார்பாகப் பேச்சுவார்த்தை நடத்தும் முக்கியப் பொறுப்பை டிம் குக் தொடர்ந்து கவனிப்பார். 

ஒரு புதிய சகாப்தத்தின் தொடக்கம்